Dengê xwe neke

nelive,

nere-neyê,

mêzê neke

ka bihar e an, ne bihar?

nebêje, ji dûr va dengê mirinê tê

mirin e,  bavê xwe nas nake

ben û tas,

nivişt,

lavayên şêx û pîran?

Na, bazar kesat û pere nake.

Şêx bi tayê ketî ye, jê ra pîr digîre.

Dilsarî ye, dest nedî jî dibe

meyît in, nabe neyên şûştin,

yê wî neşûştin,

Derê mizgeftê girtî û imam nebû

Textîrê ilahî ye,

çer hatibe wer jî çû.

Di vir da wê da nere neyê

dengê xwe neke

mirin reng bi reng e

tenê şîn û girî yek e

jê

ra

şîn

û

girî…